١٦ يناير ٢٤
الهوا البارد بيدخل من مسام راسي منعدمة الشعر بيجمد دماغي و خلايايا العصبية زي نهر من الجليد بيمشي جواها.
ده العيب اللي ماحدش من محبين الستايل ده قال لنا عليه.
علاقات محكومة بالموت
أنا تعب و زهقت من كل الناس اللي بيخرجوني برّة حياتهم، تعبت من الجهد اللي ببذله عشان علاقات محكومة بالموت. من كل الحاجات اللي بحطها على الترابيزة و تترمي في وشي و يتقلل من قيمتها و قيمتي لمجرد بس أفضل في علاقة. أنا أهم و أقيم من كل ده. بسبب ده كله المكان اللي بين ودني حي سيء، المفروض الواحد يهرب منه، بس فين؟، و لمين؟ أنا وحيد و تعبت من إني ألوم نفسي على الموضوع ده !
Comments
Post a Comment