B Quill

  اعتقد ان رغم تفوق العرب في العلوم التجريبية بشهادة المؤرخين، إلا إنهم إفتقروا جدا للإجتهاد في العلوم النظرية، خصوصا الفلسفة. بعض المؤرخين بيتكلموا عن صراع الحكام و رجال الدين مع المدارس الفلسفية اللي بتظهر، و تفضيل الحكام لعزلهم مؤقتا عشان مايسببوش قلاقل في الدولة، و يسحبوا سجادة الحكم من تحت رجليهم، و ده بيديك فكرة بسيطة عن نظام الخلافة الشمولي و طريقة تفكيره.     و بكده التطور الفلسفي لم يخرج من المهاترات الدينية، و حتى اللي كان بيخرج عن النسق العام بيتم تتفيهه و تسفيهه،  و كان من الطبيعي إن الاغريق و الرومان اللي سبقوا العرب في فلسفاتهم انهم يسبقوا في المفاهيم الانسانية زي الحقوق و الاخلاق و حتى الدين عندهم له مفاهيم اعقد نسبيا من الاسلام، و ده سبب واحدة من اكبر المعضلات في تاريخ المواجهات الدينية، فكرة الوحي و هل هو مرسول نصّي أم إلهام في قلب الرسل؟.  هتلاقي اليهودية و المسيحية بتسمي الوحي الالهي إلهام من الروح القدس، اللي هي روح الله الماثلة في كل البشر، يعني الموضوع إيحاء مش نص بإستثناءات بسيطة جدًا زي الوصايا العشر لموسى، و ده سهّل عملية تهذيب المش...

       هل هنستطيع كبشر يوما ما تخطي مركزية نفسنا؟، الإمتلاء بالذات و بأفكارنا و بكل شيء له ولو بادرة صلة بينا حتى لو لم نتوصل له بنفسنا، حتى و إن تم تذييله لنا كصفة جينية مانقدرش نحكمها؟، هل سنقفز خطوة على سلمنا التطوري و ننقض الجدار اللي حمينا بيه نفسنا كالأطفال المتذمرة من النقد، أو -و سامحوني لو قفزت بجرأة خيالي هنا- ان ننقد انفسنا و نعيد تقييم كل ما أصبحنا عليه أو تم تمريره لنا؟.      فما بالكم بالسخرية من بث إذاعي، بيحصل كل يوم و في كل الإتجاهات، إذاعات أغاني و اخبار و اذاعات دينية، اللي عمله محمد أشرف قد لا يعجبك، و قد نختلف لأيام عن جودته كفكاهة، لكنه ليس محلّ الهرج و المرج و الثورة العارمة لمجرد مجموعة مذيعين نص اللي بيدافعوا عنهم مايعرفوش إسمهم و النص التاني ماشغلش القناة من سنين، في ظل تداعيات حرية الأفراد في التعبير عن رأيهم و سخريتهم من كل فكرة او شخص، و نزع القداسة عشان نتحرك كمجتمع قدّام و نبطّل عبادة للماضي، و على خلفية الطالب الشيشاني اللي ذبح مدرس فرنسي عشان عرض الكارتون بتاع شارلي إبدو من ضمن سلسلة صور عشان يتكلم إن إزاي الصور - و أرا...